Medio cento de persoas en corentena nun edificio de Castro, tras o foco de Cospeito

O número de casos positivos detectados de coronavirus COVID-19 no municipio de Castro de Rei (Lugo) aumenta a tres, tras confirmarse na xornada do domingo o primeiro deles. Ademais, un edificio, onde residen unhas 50 persoas atópase en corentena ao acharse alí as persoas contaxiadas.

Postos de roupa na feira de Castro Ribeiras de Lea | LX

O número de casos positivos detectados de coronavirus COVID-19 no municipio de Castro de Rei (Lugo) aumentou xa a cinco, tras confirmarse na xornada do domingo o primeiro deles. Por iso, o Sergas decidiu poñer en corentena un edificio, onde residen unhas 50 persoas, ao acharse alí as persoas contaxiadas.

O edificio onde se aloxan os positivos, en Castro Ribeiras de Lea, “está en corentena”, como confirmou o rexedor de Castro de Rei, unha medida que “durará catorce días”, abundou.

O alcalde deste municipio, o popular Francisco Balado, manifestou que “existe preocupación na xente”, pero a medida que se lles vai trasladando a información aos veciños, estes vanse ” tranquilizando”.