O presidente da TSXG cre que causas como a Pokemon, que instruíu Pilar de Lara, “danan a Xustiza”

(Arquivo) A xuíza Pilar de Lara | EP
A xuíza Pilar de Lara | EP

O presidente do Tribunal Superior de Xustiza de Galicia (TSXG), José María Gómez e Díaz-Castroverde, considera que as causas que se alongan varios anos “danan a imaxe da xustiza”. En referencia á Operación Pokemon, apuntou que, “aínda asumindo a complexidade” do caso, “a idea é que non alcancen o oito anos de duración“.

“Como presidente, creo que a longa duración das causas, aínda asumindo a súa complexidade, dana a imaxe da xustiza”, expresou en declaracións aos medios de comunicación na Coruña. Considera que o oito anos que acumula este caso “non son convenientes” tanto para as persoas implicadas como para a xustiza.

Gómez e Díaz-Castroverde rexeitou valorar a resolución da Audiencia Provincial de Lugo sobre a separación en pezas das 32 causas da operación afirmando que, debido ao seu cargo, “xamais” debe pronunciarse “positiva ou negativamente” neste tipo de decisións.

A Audiencia ordena, no auto asinado o pasado 21 de xullo, que se divida a Operación Pokemon, que ata agora estaba no xulgado de Instrución 1, en diferentes causas. Tras unha denuncia da Fiscalía, os xuíces aceptan que sexa o xulgado decano o que reparta as causas aos distintos xulgados correspondentes.

1 COMENTARIO

  1. Por supuesto…a la justicia….y a las víctimas..Como se les devuelve el tiempo perdido, el dinero gastado para defenderse de algo hipotético, que suele ser una mentira ,.como se defiende algo que no es?..gente señalada, algunos incluso fallecidos, y otros muchos sin esperanza ni ilusión para emprender o simplemente seguir viviendo sin medicación..han Sido años de tortura para muchos…y ahora?

DEIXAR UN COMENTARIO

Please enter your comment!
Please enter your name here