Ribera Salud faise co control do Hospital Polusa de Lugo

Este grupo sanitario tamén é propietario do hospital Povisa de Vigo.

Hospital Polusa
Hospital Polusa | ALX

O grupo sanitario Ribera Salud e alcanzou un acordo cun grupo de accionistas do Hospital Polusa de Lugo para facerse cunha participación maioritaria no centro sanitario, segundo informou a propia empresa. O peche da operación está pendente das autorizacións pertinentes, precisa, polo que aínda non se fixo efectivo.

Con este proxecto, “Ribera Salud consolida a súa expansión e crecemento na comunidade galega onde conta co Hospital Povisa de Vigo desde finais de 2019″, engade o grupo sanitario. Os asesores de Ribera Salud que participaron na operación foron Deloitte (asesor financeiro) e Cuatrecasas (asesor legal).

O Polusa é un hospital que conta con 97 camas, 5 quirófanos, unha unidade de pacientes xeriátricos, un hospital de día oncolóxico, radiodiagnóstico, laboratorio clínico e un persoal de 135 profesionais.

En canto a Ribera Salud, é un grupo sanitario con máis de 20 de anos de experiencia na xestión de proxectos relacionados coa saúde, que ten 5.800 traballadores e proporciona asistencia a 750.000 pacientes.

DEIXAR UN COMENTARIO

Please enter your comment!
Please enter your name here