O Concello de Vilalba suspende dúas actividades este fin de semana por “precaución”

O Concello de Vilalba (Lugo), onde se detectaron catro casos de COVID-19, decidiu aprazar dúas actividades que estaban previstas para este fin de semana por "precaución", indicou a alcaldesa da localidade, Elba Veleiro.

Os servizos de emerxencia están destacados no Antonio Insua Bermúdez de Vilalba | Xunta de Galicia
Unha unidade dos servizos de emerxencia | Xunta de Galicia

O Concello de Vilalba (Lugo), onde se detectaron catro casos de COVID-19, decidiu aprazar dúas actividades que estaban previstas para este fin de semana por “precaución”, indicou a alcaldesa da localidade, Elba Veleiro.

En concreto, suspendéronse as actividades de Lecer non rural e a proxección dunha película nun espazo aberto este sábado. Aínda que nos dous casos eran no exterior e ían aplicarse medidas de distanciamento e hixiene, o Concello decidiu pospor os eventos.

A detección destes casos é un recordatorio para “non perder o respecto” ao virus, dixo a alcaldesa a Europa Press. Por iso, insistiu en que a poboación, en especial os mozos, debe concienciarse “de que hai que respectar as normas”.

Neste sentido, indicou que lle parece “ben” que a Xunta faga obrigatorio o uso de máscara aínda que se poida manter a distancia de 1,5 metros. Na localidade lucense, afirmou, notouse un maior uso deste elemento desde que se detecto o brote da Mariña.

A alcaldesa sinalou que lle preocupan os locais de lecer nocturno, posto que é onde adoita haber “acumulación” de xente e non sempre contan cunha ventilación adecuada.