Denunciadas sete persoas por non usar máscara cando transitaban pola vía pública en Lugo

As máscaras son de uso obrigatorio no transporte público | © Miguel Núñez

A Policía Local de Lugo denunciou a sete persoas por non usar máscara cando transitaban pola vía pública sen manter a distancia de seguridade na cidade Lugo.

Segundo informou a Policía Local, estas denuncias enmárcanse no dispositivo para o control do cumprimento da normativa sobre a obrigatoriedade de usar máscara en persoas maiores de seis anos debido á crise sanitaria polo coronavirus.

Así, efectivos da Unidade Territorial de Policía de Barrio da Policía Local de Lugo realizaron sete actas de infracción a persoas que non usaban máscara pola rúa “sen atoparse en ningunha das causas de exención” no marco da crise sanitaria pola COVID-19.