O brote da Mariña segue espallándose e xa afecta a 59 persoas

O Sergas confirmou doce novos casos en relación a este foco do norte da provincia.

Entrada de Urxencias do Hospital da Costa. AXM

Servizo Galego de Saúde (Sergas) confirmou este venres doce casos máis de persoas afectadas por coronavirus no brote da Mariña Lucense, o que eleva a 59 o número total de positivos detectados.

Dos 59 casos positivos, expón a Consellería de Sanidade, “a maioría son asintomáticos ou presentan síntomas de carácter leve”, e teñen a obriga de gardar corentena durante 14 días.

HOSPITALIZACIÓNS

Dúas persoas con Covid-19, un home residente en Burela e unha muller que segundo o Sergas foi hospitalizada por outras patoloxías, dando positivo na proba PCR, están ingresadas no Hospital Público da Mariña e a súa evolución é “favorable“. A estas dúas persoas ingresadas habería que engadir unha terceira, que permanece en planta do Hospital Universitario Lucus Augusti (HULA), tamén con positivo en coronavirus.

DEIXAR UN COMENTARIO

Please enter your comment!
Please enter your name here