Detectado o primeiro gran brote de coronavirus en Lugo tras unha reunión familiar

Mostra para facer un test de coronavirus | EP

O Servizo Galego de Saúde (Sergas) anunciou a través dun comunicado de prensa a aparición dun brote de coronavirus na comarca da Mariña Lucense. En concreto, ata o momento, detectáronse oito casos positivos en coronavirus no concello de Xove. Todos eles pertencen ao círculo familiar no que se rexistrou o primeiro caso. Boa parte dos infectados, segundo puido saber Xornal da Mariña, compartiron unha xuntanza a mediados deste mes.

O brote familiar de infección por Covid-19detectouse onte pola tarde no municipio, asegurou o Sergas. A Consellería de Sanidade expón que a Plataforma de Vixilancia e Control Epidemiolóxica os Servizos de Medicina Preventiva e Saúde Pública do Sergas fixeron un rastrexo e analizaron todos os contactos da persoa afectada. Ata o momento, mediante as probas realizadas, confírmase a existencia de 8 positivos por coronavirus (incluído o caso inicial),catro negativos e 25 máis pendentes de resultado. Toda a información no Xornal da Mariña.

DEIXAR UN COMENTARIO

Please enter your comment!
Please enter your name here