InicioSociedadeAnuncian accións para esixir "responsabilidades" pola morte do veterinario nas Nogais

Anuncian accións para esixir “responsabilidades” pola morte do veterinario nas Nogais

A CIG presentou denuncia ante Inspección de Traballo e mobilizarase contra as "deficientes" condicións laborais dos empregados do saneamento gandeiro.

PUBLICADA O

- Advertisement -

A CIG (Confederación Intersindical Galega) presentou denuncia ante Inspección de Traballo pola morte dun veterinarion as Nogais o pasado 28 de maio ao ser golpeado por unha vaca. Así mesmo, anuncian mobilizacións para esixir responsabilidades e a mellora nas condicións laborais deste colectivo.

O sindicato busca que a autoridade laboral poida “esclarecer” este accidente laboral e comprobe “as deficiencias no referente a materia de seguridade e saúde laboral coas que o persoal de saneamento gandeiro traballa“, á vez que pide “depurar as responsabilidades correspondentes”.

Neste sentido, considera que “existen responsabilidades” da Xunta e a empresa Tragsatec neste accidente laboral. Censura que nun servizo e unha empresa públicos están a priorizarse “criterios de rendibilidade económica fronte ao criterio de seguridade do persoal veterinario que realiza as funcións”.

Sinala a importancia de que este traballo se desenvolva en parellas e coas medidas de protección adecuadas. “A perda deste compañeiro ten que servir para que se produza un cambio substancial nas condicións de traballo do persoal veterinario que realiza as campañas do saneamento gandeiro”, reflexiona.

Ante esta situación, o sindicato comezará mobilizacións para esixir melloras de seguridade. O 25 de xuño fará unha concentración diante da sede da empresa Tragsatec de Lugo, mentres o 2 de xullo manifestarase ante o edificio da Xunta.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...