A provincia estará baixo aviso amarelo este mércores por choivas e treboadas

O peor virá a partir da última hora da mañá, segundo informa a Axencia Estatal de Meteoroloxía.

Un raio durante as treboadas / SMC - Arquivo

Un total de 21 provincias estarán este mércores 3 de xuño en aviso amarelo por choivas e treboadas. Lugo e Ourense serán dúas delas.

Segundo a predición da Axencia Estatal de Meteoroloxía (AEMET), no terzo norte da Península espéranse ceos nubrados ou cubertos, con chuvascos e treboadas, a partir do final da mañá, que serán localmente fortes e con sarabia.

Tampouco se descartan néboas costeiras no norte da comunidade.