A autopsia non revela “signos de criminalidade” na morte do bebé no centro médico de Vilalba

A nena chegou en parada cardiorrespiratoria. O equipo sanitario tentou reanimala, sen éxito.

Bebé no hospital Unicap - Hilando Vidas
Bebé | LX

A autopsia non atopa “signos de criminalidade” na morte dun bebé de poucos meses ocorrida este luns no centro de saúde de Vilalba. 

Así o confirmaron fontes xudiciais en relación a estes feitos que leva o Xulgado de Instrución nº2 de Vilalba, en funcións de garda. Subliñaron que o  “resultado preliminar da autopsia” conclúe que non hai “achados de signos de criminalidade”.

Fontes da Garda Civil apuntaron que se abrira unha investigación ao respecto do sucedido logo de que o pasado luns o Instituto Armado recibira o aviso de que falecera un bebé no centro médico. En concreto, fontes consultadas por Europa Press, explicaron que o bebé chegou en parada cardiorrespiratoria ao centro sanitario, onde tentaron reanimar a nena sen éxito. 

Ao lugar acudiu, ademais, a autoridade xudicial que ordenou o levantamento do cadáver, para ser trasladado ao HULA, onde se lle realizou a autopsia.

DEIXAR UN COMENTARIO

Please enter your comment!
Please enter your name here