Os comerciantes de Castro, nun emotivo vídeo: “Non te esquezas de nós”

Unen as súas voces nun único relato para pedirlles ás veciñas e veciños que merquen nos negocios de proximidade, a única maneira de ver "unha vila viva" e "volver escoitar o barullo do mércores de feira".

Unha das participantes no vídeo de apoio ao comercio local de Castro Ribeiras de Lea | ALX

Os comerciantes de Castro Ribeiras de Lea uníronse para lanzar unha mensaxe en forma de vídeo ás veciñas e veciños da localidade, a quen lle piden que apoien os negocios de proximidade tras esta crise.

A peza audiovisual conta coa participación da xornalista Tania Fernández Lombao, tamén veciña de Castro. É ela quen comeza con voz en off un relato emotivo da vida nestes tempos de pandemia para logo dar paso a unha morea de comerciantes que, en primeira persoa, confesan “querer volver ver unha vila viva” ou “escoitar o barullo do mércores de feira”.

Un tras outro van poñéndose diante da cámara para lembrar a importancia das pequenas tendas e empresas locais. “Cando todo isto pase, non te esquezas de nós. Merca en Castro”, repiten. Velaquí a peza:

DEIXAR UN COMENTARIO

Please enter your comment!
Please enter your name here