InicioSociedadePiden a dimisión da dirección do Polusa por ocultar ao persoal un...

Piden a dimisión da dirección do Polusa por ocultar ao persoal un positivo por COVID-19

CCOO denuncia que boa parte das probas de detección realizadas ao persoal de enfermaría e celadores «desapareceron» e non se coñecen os resultados.

PUBLICADA O

- Advertisement -

A representación sindical de CC.OO. no hospital Polusa denuncia que a dirección lle ocultou “durante dúas semanas ao persoal un caso positivo de COVID-19”. Piden a dimisión da directiva, a quen acusan de non ter escrúpulos e de “poñer en perigo” os traballadores que entraron en contacto co positivo.

Segundo avanza o sindicato, a comezos de mes comezou a haber rumores dentro do policlínico sobre un posible caso positivo de COVID-19 na unidade de maiores. Segundo comunicou CCOO, o pasado 8 de maio, a dirección convocou o comité de seguridade e saúde, para informalo “dunha cuestión de grande importancia”. Ese mesmo día, comezaron a tomárselles mostras a varias traballadoras e traballadores para a detección de coronavirus.

A representación sindical preguntou explicitamente se houbera algún caso confirmado de COVID-19. Desde a dirección a resposta foi negativa, segundo asegura CC.OO.  Porén, tras unhas supostas investigacións realizadas polo comité de seguridade e saúde, o luns 18 de maio o sindicato sinala ter descuberto o “engano”. “A dirección recoñécenos que tiña os resultados desde o pasado 2 de maio e que nos ocultaran a información”, afirman.

PROBAS PCR AO PERSOAL QUE CHEGAN TARDE

Do mesmo xeito, en canto ás probas realizadas o día 8, CC.OO denuncia que “boa parte” das que se lles fixeron ao persoal de enfermaría e celadores “están desaparecidas e non se coñece resultado ningún”. Ademais, o sindicato critica que houbo persoal en contacto co caso positivo en coronavirus ao que non se lle fixera nese tempo proba de ningún tipo.

Segundo CCOO, “tras a presión do comité, o día 21 de maio comézanselle a realizar as probas PCR ao persoal de Polusa”. A representación legal dos traballadores e das traballadoras repróchalle á dirección que as probas son insuficientes, “xa que transcorreu moito tempo desde o posible contaxio e poderían darse falsos negativos”.

A dirección de Polusa “nin sequera tomou a precaución de afastar o persoal exposto”, lamentan dende CC.OO, para afear que se puxera en perigo os traballadores e traballadoras, así como ás familias dos mesmos.

ÚLTIMAS

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...

Rexeitamento da Deputación de Lugo á instalación da planta Altri en Palas

A Deputación de Lugo manifestou a súa oposición á planta de Altri no municipio...