O primeiro paciente ingresado con coronavirus na UCI do HULA abandona a unidade tras 63 días

O home, natural de Becerreá, permanece hospitalizado en planta para seguir recibindo atención médica.

Hospital Universitario Lucus Augusti (HULA) | Grupo San José
Hospital Universitario Lucus Augusti (HULA) | Grupo San José

EFE | O primeiro paciente ingresado na UCI do Hospital Universitario Lucus Augusti (HULA) por COVID-19 deixou despois de 63 días a unidade de críticos, aínda que permanece internado en planta para seguir recibindo atención médica na súa convalecencia.

Segundo publica o diario El Progreso na súa edición de hoxe, Teolindo Fernández, un home natural de Becerreá e de 78 anos de idade, que vive en Suíza, onde emigrou moi novo, tivo que ingresar no HULA o pasado 14 de marzo, despois de chegar do país alpino. Foi diagnosticado de coronavirus.

Durante 63 días permaneceu na UCI do HULA debido á gravidade da súa situación, e era un dos catro últimos pacientes que estaban a ser tratados na unidade de críticos do hospital lucense.

Agora, tras mellorar a súa situación clínica, foi trasladado á unidade de hospitalización, segundo confirmaron fontes do Sergas a Efe. A súa saída da UCI foi celebrada con aplausos por parte dos sanitarios que se ocuparon do seu coidado durante os dous últimos meses.

DEIXAR UN COMENTARIO

Please enter your comment!
Please enter your name here