Traballadoras e traballadores da área de Pediatría do Hospital Universitario Lucus Augusti (HULA) participaron na elaboración dun vídeo para homenaxear a “todos os pequenos valentes”: as nenas e nenos que permanecen hospitalizados no centro.
Este 13 de maio celébrase o Día do Neno Hospitalizado, así que o persoal non deixou pasar a oportunidade de ‘lanzar bicos’ ás crianzas ao ritmo da canción ‘Un beso redondo’, de Conchita. O vídeo amosa divertidas imaxes das crianzas e mais do persoal, moitas veces disfrazado para sacarlles un sorriso aos máis cativos.
