A pandemia vai a menos en Lugo: só catro pacientes na Uci e outro en planta

Sanidade rexistrou un total de 161 casos activos este domingo 10 de maio, cinco menos ca o sábado.

Sanitarios, médicos, enfermeiras e auxiliares están na primeira liña de loita contra o coronavirus Covid-19 | EFE

A Consellería de Sanidade contabiliza este domingo 10 de maio un total de 161 casos activos por coronavirus (-5) na área sanitaria de Lugo, nunha xornada na que baixa a presión hospitalaria. 

Restan catro persoas ingresadas nas Unidades de Coidados Intensivos, pero tan só unha nas plantas de hospitalización. Trala alta do patrón do Notre Dame, que estaba ingresado no Hospital da Mariña, os datos oficiais revelan que tan só o HULA continúa cun paciente en planta.

Ademais, 156 persoas (-4) están a ser atendidas a domicilio, mentres que a cifra de “curacións” que manexa o Sergas segue a engrosar. Xa serían 715 as persoas que superaron o coronavirus, en base a estes datos de Sanidade.

Asemade, non se rexistrou ningún novo falecemento na provincia, polo que as vítimas mortais se manteñen en 27.

GALICIA

Na comunidade galega, os casos activos de coronavirus minguan en 55, ata situarse nos 2.703 este domingo. As 122 altas contabilizadas superaron o número dos contaxios detectados nesta última xornada. Desta maneira, xa son 7.347 as persoas que superaron a enfermidade, mentres que os falecementos ascenden a 593 perderon a vida desde o inicio da pandemia en Galicia. Delas, 269 eran maiores que vivían en residencias.

DEIXAR UN COMENTARIO

Please enter your comment!
Please enter your name here