InicioSociedadeLugo rexistra 166 casos activos por coronavirus, con catro persoas na Uci

Lugo rexistra 166 casos activos por coronavirus, con catro persoas na Uci

Redúcese moi levemente o número total de positivos na área sanitaria, que cada vez ten menos presión hospitalaria.

PUBLICADA O

- Advertisement -

A área sanitaria de Lugo rexistra este sábado 9 de maio un total de 166 casos activos por coronavirus, un menos ca os contabilizados onte. Redúcese, así mesmo, a listaxe de persoas positivas atendidas nos hospitais, segundo a Consellería de Sanidade.

En concreto, permanecen catro persoas nas Unidades de Coidados Intensivos (-2). Todas elas están na do HULA, mentres que na do Hospital da Mariña seguen ingresadas dous pacientes que contraeran o virus pero que agora mesmo xa son negativos nas probas de COVID-19.

Por outra parte, dúas persoas continúan hospitalizadas en planta: unha no Hospital Universitario Lucus Augusti e outra —o patrón do Notre Dame— no Hospital da Mariña.  O groso da listaxe séguena ocupando os positivos que están a ser atendidos nos seus domicilios: son 160, un máis ca no día de onte.

Ademais, Sanidade informa de 710 persoas curadas —con negativo no test PCR ou sen síntomas pasado un tempo—. Ata o momento, producíronse 27 falecementos na provincia.

GALICIA

Na comunidade galega, os casos activos ascenden a 2.758 (+31), con 591 falecementos.  Mentres tanto, as altas aumentan en 87, ata as 7.225.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...