InicioSociedadeLugo modificará os espazos públicos para ampliar as terrazas dos bares

Lugo modificará os espazos públicos para ampliar as terrazas dos bares

O Concello valorará a utilización de zonas de aparcamento ou de prazas grandes, como a de Augas Férreas.

PUBLICADA O

- Advertisement -

EFE | A alcaldesa de Lugo, Lara Méndez, anunciou hoxe no transcurso da reunión da Comisión de Tráfico municipal que o goberno local está a traballar nunha modificación dos espazos públicos da cidade para permitir que o sector da hostalería poida ampliar as súas terrazas.

Entre outras medidas, o Concello de Lugo estuda permitir a ampliación das terrazas naquelas zonas peonís que así o permitan, ademais de realizar un estudo sobre as rúas que se poderían cortar ao tráfico para crear novos espazos de paseo para a cidadanía; ou a colocación de mesas e cadeiras naquelas vías cuxa anchura o posibilite.

Tamén se valorará a utilización para a colocación de terrazas dalgunhas áreas de aparcamento e analizarase a posibilidade de situalas en prazas amplas, como as de Augas Férreas, Bretaña ou o Camiño Primitivo.

As medidas adoptadas, aclarou a alcaldesa, serán provisionais e terán unha duración de tres meses. En todo caso, de ser necesario, precisou, a súa duración podería estenderse.

Tamén informou de que, durante ese tempo, os locais quedarán exentos da taxa por ocupación da vía pública.

ROLDA DA MURALLA

O tráfico da Rolda da Muralla, restrinxido a un só carril para facilitar os paseos | ALX

Por outra banda, desde este venres xa queda aberto aos peóns un carril da Rolda da Muralla, unha medida que tomou o Concello para facilitar os paseos e garantir as distancias de seguridade.

Así e todo, o tenente de alcalde e responsable de Mobilidade, Rubén Arroxo, lembroulle á cidadanía que “Lugo conta con moitos espazos verdes, parroquias e barrios dos que se pode desfrutar e evitar as aglomeracións do centro”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...