Estabilidade na evolución do coronavirus en Lugo, con 167 casos activos

A provincia rexistra tres positivos menos. Continúan ingresadas seis persoas nas Unidades de Coidados Intensivos e outras dúas nas plantas de hospitalización.

A Consellería de Sanidade informa dun total de 167 casos activos por coronavirus na área sanitaria de Lugo-Cervo-Monforte neste venres 8 de abril. Iso supón tres positivos menos ca os rexistrados onte, cando había 170. Mantense estable a presión hospitalaria, con seis persoas ingresadas nas Uci e outras dúas en planta.

En canto a estas últimas, unha está a ser atendida no Hospital Universitario Lucus Augusti; a outra, o patrón do pesqueiro ‘Notre Dame’, permanece na planta de hospitalización do Hospital da Mariña. Pola súa parte, na UCI deste Hospital da Costa tamén continúan dous pacientes que contraeran o virus, pero que a día de hoxe xa deron negativos nas probas. Outros catro pacientes están na UCI do HULA.

Ademais, Sanidade conta 159 persoas con positivo en COVID-19 baixo atención hospitalaria a domicilio, tres menos ca onte.

Por outra banda, os datos oficiais revelan 702 “curacións” —persoas que deron negativo nun novo test PCR ou que non presentan síntomas despois dun tempo prudencial—. En canto aos falecementos, na provincia producíronse 27. O último, o pasado 6 de maio, correspóndese co dun home de 69 anos que estaba a ser atendido na súa casa.

GALICIA

No conxunto da comunidade galega, Sanidade informa de 2.727 casos activos por COVID-19, 20 menos ca onte. Non se contabilizou ningún falecemento novo nas últimas 24 horas, polo que a cifra se mantén nos 588.

DEIXAR UN COMENTARIO

Please enter your comment!
Please enter your name here