Os concellos a cabalo de Lugo e Asturias piden flexibilizar a mobilidade entre municipios lindeiros

A asociación InterEo, na cal se integran A Fonsagrada, Baleira, Negueira e Ribeira de Piquín, sinala que se perderá "o 50% dos recursos" ao non estaren permitidos os desprazamentos interprovinciais.

Negueira, no val do Navia, parte da Reserva da Biosfera do río Eo, Oscos e Terra de Burón | Turismo de Galicia
Negueira, no val do Navia, parte da Reserva da Biosfera do río Eo, Oscos e Terra de Burón | Turismo de Galicia

Asociación InterEo, que forman 14 municipios da provincia de Lugo e de Asturias, enviou unha carta ás delegacións do Goberno no Principado e en Galicia na que, trala aprobación do plan de desescalada que contempla a provincia como elemento referencial de mobilidade territorial, reclama que se flexibilicen os desprazamentos por concellos limítrofes. Sitúan como referencia máxima os dous municipios arredor das fronteiras entre as dúas comunidades.

O colectivo de municipios, que engloba sete concellos galegos —A Fonsagrada, A Pontenova, BaleiraNegueira de Muñiz, Ribadeo, Ribeira de Piquín e Trabada—  e outros tantos asturianos —Castropol, San Martín de Oscos, San Tirso de Abres, Santa Eulalia de Oscos, Taramundi, Vegadeo e Villanueva de Oscos—, remarca na misiva que a agrupación é “un reflexo da relación socioeconómica dos nosos veciños”.

“Se nos quitan a mobilidade entre concellos limítrofes é como quitarnos o 50% dos nosos recursos”, lamentan na carta. Familias separadas, propiedades repartidas entre as dúas comunidades ou unha menor incidencia do coronavirus nesta área son outras das xustificacións que alegan. Podes ler a información completa no Xornal da Mariña.

DEIXAR UN COMENTARIO

Please enter your comment!
Please enter your name here