A provincia de Lugo rexistra 222 casos activos dos 3.187 en Galicia, 771 correspóndense coa área sanitaria da Coruña, 613 coa de Ourense, 186 coa de Pontevedra, 773 coa área de Vigo, 475 coa de Santiago e 147 coa área sanitaria de Ferrol.
Estes datos da Consellería de Sanidade evidencian que os diagnósticos de coronavirus diminuíron un 1,49%, pero isto supón unha caída menor que a rexistrada a pasada xornada (3,6%) e que a anterior (3,8%). O mesmo sucede coas persoas dadas de alta, a pesar de que hai un 1,57% máis, o balance é menor que o do sábado (2,8%) e o venres (4,3%).
Cinco persoas permanecen en UCI, dous no Hospital Público da Mariña e tres na do HULA. Hai seis persoas hospitalizadas, 3 no Virxe dos Ollos Grandes e 3 no HULA. Monforte rexistrou 0 ingresos, Mariña tamén ten 0 hospitalizacións por COVID-19.
En total, 863 casos levan afectado á provincia de Lugo contando altas e falecementos. As altas foron de 615 o pasado sábado día 2 de maio e o número de falecidos é de 26.