VÍDEO | Un estudo científico data a chegada do coronavirus a Galicia no mes de febreiro - Lugo Xornal

- Advertisement -

3 de marzo. Saltan as alarmas en Galicia. As probas realizadas a un home de 49 anos dan positivo. Acudira dous días antes ao Complexo Hospitalario da Coruña cunha neumonía vírica e o seu estado era xa grave. Chegara a Galicia dous días antes, o 29 de febreiro, de Madrid nun coche compartido para realizar unha entrevista de traballo en Inditex. A Xunta di que a situación “está controlada” por que o caso é importado e que o “virus non circula” por Galicia.

Mes e medio despois daquel primeiro caso, a situación en Galicia é moi diferente. Hai máis de 6.300 contaxiados e case 460 mortes este luns. Moitos contaxiados tras o gran foco que estoupou en Madrid. Pero, realmente, ese home ingresado o 3 de marzo de 2020 era o paciente 0 de Galicia?

ANTES DE MARZO

Grazas aos numerosos estudos que se están realizando nas ultimas semanas podemos saber que a COVID-19 estaba xa en Galicia antes dese suposto paciente 0, e tamén antes de marzo. Así o recolle, cando menos a información proporcionada por NextStrain, un proxecto de código aberto con información pública de hospitais e laboratorios de todo o mundo. A plataforma, na que participa unha vintena de científicos, rastrexou as distintas mutacións do virus e creou unha árbore filoxénica en tempo real para determinar como se está propagando.

Pois, grazas a esta ferramenta, sabemos que había contaxiados en España xa en xaneiro e en Galicia, probablemente no mes de febreiro. Seguindo a secuenciado xenética da COVID-19, NextStrain, con datas que se remontan ás dúas últimas semanas de febreiro, debuxa un escenario de introdución do virus no conxunto do Estado en tres mutacións, dúas que viñan de China e Reino Unido a través de Valencia, cunha ramificación en Burgos, e outra que ten procedencia italiana pero que saltou desde Valencia a Madrid e Galicia.

Podes ler a información completa no Galicia Confidencial.

VÍDEO | Un estudo científico data a chegada do coronavirus a Galicia no mes de febreiro

ANTES DE MARZO

ÚLTIMAS

A Plataforma Ulloa Viva constata en Bruxelas que España non solicitou fondos europeos para a fábrica de Altri

A Deputación dotará a 52 concellos de ferramentas tecnolóxicas a través do proxecto Impulsa TIC

O BNG promove unha campaña para demandar ao Goberno melloras nas infraestruturas viarias de Lugo

Greenfiber reitera que Altri “non cambiará as condicións do Ulla” e alega que o estudo de Ence “non está actualizado”