A última actualización de datos da Consellería de Política Social sobre os casos activos nos centros de maiores recolle que na residencia San Vitorio de Baralla non hai ningún usuario positivo por coronavirus.
Se ben nos últimos días a Xunta confirmaba un residente enfermo de COVID-19 neste centro residencial, o informe deste luns 20 de abril elimina da listaxe de positivos a este usuario “por curación”. O Concello de Baralla amosaba a súa alegría en redes sociais tras coñecer que todas as probas PCR realizadas deran negativo.
UN POSITIVO ENTRE O PERSOAL TRABALLADOR
A Xunta xa confirmara, iso si, a existencia dun caso positivo por coronavirus entre o cadro de persoal deste centro.
