InicioSociedadeUnha mensaxe de voz destapa un presunto delito de violencia de xénero...

Unha mensaxe de voz destapa un presunto delito de violencia de xénero en Lugo

Axentes de Policía desprazáronse ata o lugar dos feitos tras ser alertados por unha tía da vítima. Atoparon a muller cun "hematoma no pescozo e unha manga do pixama rota".

PUBLICADA O

- Advertisement -

Axentes da Policía Local de Lugo detiveron, xunto á Policía Nacional, a un home de 39 anos de nacionalidade paraguaia como presunto autor dun delito de violencia de xénero. Foi unha familiar da vítima quen alertou os axentes, tras recibir un audio dunha sobriña súa no que “se evidenciaba que podía estar a ser vítima dun delito de violencia de xénero”.

Así, organizouse un operativo conxunto entre a Policía Local e Nacional, de maneira que se trasladaron ao domicilio da vítima tres dotacións policiais. Os axentes foron recibidos por unha moza de 32 anos que presentaba “un hematoma no pescozo e unha manga do pixama rota”, subliñaron as mesmas fontes. A muller mostraba “signos evidentes de estar atemorizada” e resistiuse a “manifestar claramente o que sucedera con evasivas e certas incoherencias”.

Mentres tanto, outro axente trasladouse ata o domicilio da alertante co fin de solicitar o audio que dera orixe á intervención, co que se comprobou que a muller “probablemente estaba a ser agredida pola súa parella”.

Por iso, os axentes procederon á detención do presunto agresor, que foi trasladado a un centro médico de acordo co protocolo para estes casos e, posteriormente, quedou nos calabozos da Policía Nacional para a súa posta a disposición xudicial.

A vítima, pola súa banda, foi levada noutro vehículo policial para ser recoñecida por un facultativo. A Policía Local puntualizou que nese momento a moza non presentou denuncia e foi informada de que “debería facelo canto antes”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...