Un taller de costura aberto no mes de febreiro en Lugo doou máis de mil máscaras de protección

"Tocounos vivir un momento duro, pero se todos aportamos o noso gran de area sairemos desta", din dende 'Troita de pé', o establacemento onde elaboran material con tea cedida por mercerías da cidade.

Máscaras elaboradas no taller de costura 'Troita de pé' | ALX

EFE.- O taller de costura ‘Troita de Pé’ fixo entrega na Comandancia da Garda Civil de Lugo de 1.100 máscaras de protección confeccionadas polos seus alumnos.

Segundo informou a propia Garda Civil, as máscaras foron elaboradas nos últimos días polos alumnos e profesores da escola, que abriu as súas portas hai un par de meses. “Tocounos vivir un dos momentos máis duros, pero se todos aportamos o noso gran de area sairemos desta”, sosteñen.

Así, puxéronse mans á obra coa colaboración de once costureiras profesionais da comarca de Lugo. A tea para a confección das máscaras foi cedida de maneira solidaria por “mercerías e tendas de teas” de Lugo.

Nas redes sociais de ‘Troita de pé’ ofrécense a seguir cosendo máscaras para servir de axuda durante esta emerxencia sanitaria. “Se alguén sabe dalgún sitio, residencia, asociación, colectivo… que as necesite, que se poña en contacto con nós e estaremos encantados de axudar en todo o posible!”, aseguran.

DEIXAR UN COMENTARIO

Please enter your comment!
Please enter your name here