Diminúe o ritmo de novos positivos na provincia, con trece casos máis para un total de 533

A Consellería de Sanidade contabiliza 28 altas de pacientes na área sanitaria de Lugo, sete máis ca as rexistradas onte.

Proba de COVID19 | ALX

A área sanitaria de Lugo contabiliza 533 casos activos por coronavirus, trece máis ca os rexistrados na xornada de onte (520). Desta maneira, diminúe o ritmo de crecemento de positivos confirmados na provincia logo de días con fortes repuntes nas actualizacións de datos diarias que ofrece o Sergas.

A Consellería de Sanidade informa que, deses 533 infectados, doce permanecen na UCI (sen incremento dende onte). 81 pacientes están hospitalizados en planta (+2) e a gran maioría (440) atópanse no seu domicilio. 

Ademais, outro dato positivo é que xa se deron 28 altas na provincia, sete máis ca as que se contabilizaban onte. Porén, o número de falecementos ascende a doce, tras morrer este xoves dous varóns ingresados no HULA.

RESTO DE GALICIA

No conxunto galego, o número de infectados por coronavirus aumentou en 256 entre este xoves e este venres, ata chegar aos 4.635 positivos. Mentres, rexistráronse 102 novas altas e o total xa alcanza as 435.

Por outro lado, o último balance de mortes na comunidade deixa 149 falecidos pola Covid-19.  Podes ler máis información no Galicia Confidencial.

DEIXAR UN COMENTARIO

Please enter your comment!
Please enter your name here