Unha muller de 91 anos infectada con coronavirus, e con patoloxías previas, faleceu no día de hoxe no Hospital Universitario Lucus Augusti, segundo informa a Consellería de Sanidade.
Trátase da terceira vítima mortal rexistrada no HULA pola Covid-19 durante este primeiro de abril. Os outros dous falecementos correspóndense con dous homes, de 71 e 91 anos, respectivamente.
DATOS PARA A ÁREA SANITARIA
En total, o Sergas contabiliza dez mortes de pacientes de coronavirus na área sanitaria de Lugo. Na última actualización de datos, o número de positivos ascende a 456, pero fréase a hospitalización.