A E.S. Pontebranca, na estrada de Portomarín, ofrece comida e aseo gratis aos transportistas

"Notamos que había unha deficiencia na atención aos transportistas, que son os que máis o necesitan", di a encargada desta estación de servizo de Piugos (Lugo).

A estación de servizo Pontebranca, situada na estrada de Portomarín | ALX

EFE.- A estación de servizo Pontebranca, situada na estrada de Portomarín, tomou a decisión de ofrecer comida e bebida gratis aos transportistas, que tamén poderán ducharse nos aseos das súas instalacións. Esta é a súa maneira de solidarizarse cun colectivo que ten que continuar na estrada a pesar das restricións impostas polo estado de alarma e que agora non atopa onde comer nin onde asearse.

Situada en Piugos (Lugo), no quilómetro 3 da estrada que comunica con Portomarín e a pouca distancia da ligazón coa A-54, nesta estación de servizo non teñen capacidade para facer comida “quente”, segundo explica a encargada. Polo tanto, servirase un bocadillo e unha bebida de balde a todos aqueles transportistas que o pidan.  “Notamos que había unha deficiencia na atención aos transportistas, que son os que máis o necesitan” porque co seu traballo contribúen a que sigan funcionando os servizos esenciais.

A súa intención é axudar nun momento de necesidade no que os profesionais da estrada tamén o están pasando mal, di. EFE

Os transportistas, os “esquecidos” nesta crise: “Traballamos ata 14 horas e non temos onde xantar ou tomar un café”

DEIXAR UN COMENTARIO

Please enter your comment!
Please enter your name here