O número de casos confirmados de coronavirus en Galicia xa supera os 2.000, tras sumarse 379 novos positivos desde o xoves e alcanzar os 2.211. Deles, 140 pertencen á área sanitaria de Lugo, doce enfermos máis ca os rexistrados na xornada de onte (128)
En canto ao resto de áreas, A Coruña despunta con 552 diagnosticados; seguida de Vigo, con 509, e Santiago con 388. Ourense contabiliza 302 positivos; Pontevedra, 260; e Ferrol, 60.
Do total de pacientes positivos en Galicia, 98 permanecen na UCI, 556 están en unidades de hospitalización e 1.557 nos seus domicilios. Polo de agora, rexistráronse 67 altas e 44 falecementos. Na provincia de Lugo, a cifra de vítimas mortais mantense en 4.