Unha tinturería de Lugo ofrécese a lavar gratis os uniformes das forzas de seguridade durante o estado de alarma

Forzas de seguridade do Estado | ALX

Non cesan de aparecer mostras de colaboración cidadá durante estes días raros. Cadaquén aporta o seu gran de area da maneira que pode. Os responsables de Tintorería Lucense anunciaron nas súas redes que lavarían os uniformes dos corpos e forzas de seguridade durante o estado de alarma sen ningún tipo de custo.

Non leves o uniforme a lavar á casa. Evita posibles contaxios“, sosteñen nesta tinturería, emprazada na rúa Quiroga de Lugo. Fano, en primeiro lugar, “como medida preventiva” para frear a posible propagación do virus na roupa de traballo, “pero tamén porque entendemos a carga laboral que estes días están vivindo” os axentes de Policía ou Garda Civil.

É a súa maneira de contribuír “a que o pouco tempo dispoñible para o seu descanso non teñan que dedicalo a este tema“. “Xa nos encargamos nós”, afirman. A proposta foi moi ben acollida pola cidadanía, que non tardou en amosar o seu agradecemento aos promotores da idea.

DEIXAR UN COMENTARIO

Please enter your comment!
Please enter your name here