‘Non estás soa’, a campaña do Concello de Vilalba para protexer as vítimas de violencia durante o confinamento

"Mascarilla19" é a palabra chave coa que as mulleres que sufran violencia de xénero poden solicitar axuda nas farmacias.

Manifestación contra a violencia de xénero | Miguel Núñez
Manifestación contra a violencia de xénero / © Miguel Núñez

O confinamento non é doado para ninguén, pero moito menos para aquelas mulleres que se ven obrigadas a recluírse nun espazo pechado co seu agresor durante unha morea de tempo. Que pasa coas vítimas de violencia de xénero durante a corentena? Quen mira por elas? Para dar resposta a estas preguntas, o Concello de Vilalba e o Centro de Información á Muller (CIM) desta localidade puxeron en marcha a campaña ‘Non estás soa’, coa que informan ás mulleres dos recursos ao seu alcance.

“Non estás soa” | ALX

Coma noutros concellos galegos, en Vilalba desenvolveron unha estratexia por se algunha muller está en risco na súa casa e non pode alertar por si mesma da situación. Así, estableceuse un plan en coordinación coas farmacias do municipio e coa Garda Civil de maneira que se unha vítima acode a calquera das farmacias e pronuncia unha palabra claveMascarilla19— o persoal entenderá de inmediato o problema e chamará ao 112.

“É COUSA DE TODOS”
Ademais, dende o Concello lembran que o número de atención a vítimas de violencia de xénero, o 016, segue activo. Tamén o Ministerio de Igualdade conta cun servizo de asistencia por WhatsApp a través dos números 682 916 136 ou no 682 508 507.
“A violencia machista é cousa de todos”, insisten. Por iso, piden que se avise ao 112 ou á Garda Civil (982 51 03 07) se se teñen sospeitas de que unha veciña está a sufrir maltrato.

DEIXAR UN COMENTARIO

Please enter your comment!
Please enter your name here