Un home de 78 anos ingresado no HULA, cuarto falecido por coronavirus en Lugo

Fontes da Consellería de Sanidade confirman a morte do paciente, que presentaba patoloxías previas.

Hospital Universitario Lucus Augusti (HULA) | Grupo San José
Hospital Universitario Lucus Augusti (HULA) | Grupo San José

Un home de 78 anos ingresado na planta de hospitalización do HULA é o cuarto falecido por coronavirus na provincia. Fontes da Consellería de Sanidade confirmaron o pasamento desta persoa, que tiña patoloxías previas.

Coa súa morte, xa son catro as persoas finadas en Lugo pola Covid-19: un en Monforte, outro en Burela e dous na capital da provincia.

DATOS DE CONTAXIADOS

Segundo a última actualización do Sergas, o número de persoas enfermas de coronavirus na área de Lugo é de 97. A cifra supón un incremento importante respecto dos datos rexistrados na xornada de onte, cando se contabilizaban 62 pacientes.

A nivel galego, a pandemia causou ata o momento 27 mortes.

DEIXAR UN COMENTARIO

Please enter your comment!
Please enter your name here