Os positivos confirmados en Lugo dispáranse nun día: pasan de 62 a 97

A nivel galego, os diagnósticos alcanzan os 1.374, con 19 altas e 22 falecementos, un deles en Burela.

Recollida de mostras para análise do COVID19 dende o coche © Miguel Nuñez

A Dirección Xeral de Saúde Pública da Consellería de Sanidade informou de que o número de casos de coronavirus en Galicia ascende a 1.374, dos cales 97 pertencen a Lugo. Desta maneira, a provincia presenta unha suba importante ao pasar nun só día dos 62 positivos rexistrados este luns 23 a aproximarse ao centenar de diagnósticos.

Por zonas, a área da Coruña contabiliza 359 positivos; Ourense, 152; Pontevedra, 179; Vigo, 312; Santiago, 239; e Ferrol, 36. Do total de pacientes, 54 permanecen na UCI, 337 están en unidades de hospitalización e 983 no domicilio. Así mesmo, en Galicia rexistráronse 19 altas e 22 falecementos.

Unha das últimas mortes correspóndese coa dun home de 83 anos que estaba ingresado no Hospital Público da Mariña. Trátase da terceira vítima mortal por coronavirus na provincia de Lugo.

DEIXAR UN COMENTARIO

Please enter your comment!
Please enter your name here