O violador de Augas Férreas recoñece os feitos e acepta seis anos e medio de cárcere

O acusado enfrontábase a unha posible condena de once anos de prisión. Na vista oral do xuízo, pediu perdón ás vítimas ás que agrediu sexualmente hai tres anos.

Audiencia Provincial de Lugo | Google
Audiencia Provincial de Lugo | Google

EFE.- O rapaz acusado de agredir sexualmente unha muller e intentalo con outra nun edificio de Augas Férreas recoñeceu os feitos no xuízo e aceptou a condena —rebaixada— de seis anos e medio de cárcere.

O coñecido como ‘violador de Augas Férreaspediu perdón ás vítimas na vista oral celebrada este luns na Audiencia Provincial de Lugo. O procesado admitiu os feitos grazas a un acordo entre o fiscal, a acusación particular e a súa defensa, algo que lle permitiu rebaixar a pena de prisión que pedía inicialmente a Fiscalía (once anos de cárcere por un delito de agresión sexual e outro en grao de tentativa).

Para esa rebaixa, tanto o ministerio público como a acusación particular tiveron en conta a atenuante de dilacións indebidas e de reparación do dano, dado que o acusado xa indemnizou con 9.000 euros á vítima da agresión sexual e comprometeuse a indemnizar á segunda con 2.000 euros polas lesións e danos morais.

Ademais da pena de cárcere, tamén aceptou permanecer durante oito anos en liberdade vixiada, unha vez cumprida a condena de reclusión.

OS FEITOS

Os feitos cos que se relaciona sucederon entre setembro e outubro de 2016, cando o procesado, que traballara como instalador de fibra óptica nesa zona de Lugo, aproveitou o coñecemento que tiña dos edificios do barrio para esperar á súa vítima no portal dun inmoble, onde a abordou para metela á forza no ascensor. Tras ameazala de morte para que non gritase, levouna ao cuarto de contadores do edificio, situado na primeira planta do garaxe comunitario, onde consumou a agresión sexual.

Posteriormente, de novo no mesmo barrio de Lugo, o procesado abordou unha segunda vítima de madrugada, tamén no portal dun edificio que coñecía grazas ao seu labor como instalador de fibrra óptica.

Con todo, neste caso, a vítima logrou escapar polas escaleiras do edificio, forcexeou e conseguiu gritar para avisar ao seu marido, que estaba na casa. O procesado, que “temeu ser descuberto”, acabara marchando do lugar.

Ambas vítimas foron declaradas testemuñas protexidas canda a outra terceira muller, que vira o sospeitoso agochado tras unha columna cando ela regresaba á casa de madrugada.

O acusado atópase en prisión provisional por esta causa desde o 3 de xullo de 2018. EFE

DEIXAR UN COMENTARIO

Please enter your comment!
Please enter your name here