O ex vicepresidente da Xunta de Galicia e ex líder do BNG, Anxo Quintana, visitará este xoves a cidade de Lugo para participar nunha conferencia sobre a situación de Galicia no presente e no futuro.
A asociación cultural Ateneo Galeguista de Lugo organizou a charla, que terá lugar este xoves 20 de febreiro, ás 19:30 horas, no salón de actos do IES Lucus Augusti. ‘Galiza: hoxe e mañá’ será o título baixo o que se presente o encontro.
