InicioSociedadeO sindicato de prisións ve "un feito illado" a festa no cárcere...

O sindicato de prisións ve “un feito illado” a festa no cárcere de Monterroso

Acaip insiste en que soamente se viu involucrado un funcionario e dubida da credibilidade das imaxes da suposta festa na prisión da Ulloa

PUBLICADA O

- Advertisement -

O sindicato de prisións Acaip considera “un feito illado totalmente” a suposta celebración dunha festa con presos no cárcere lucense de Monterroso e insistiu en que se viu presuntamente involucrado “só un funcionario”.

Así o manifestaron a Europa Press fontes deste sindicato, que relataron que a investigación de Inspección en Madrid comezou por mor de “un rumor” dunha suposta festa, logo de que o director puxo os feitos en coñecemento de Instituciones Penitenciarias.

“É un feito moi illado”, reiteraron as mesmas fontes, que subliñaron que “non ten nin pés nin cabeza” a celebración dunha festa con alcohol na prisión.

En relación ás fotos da suposta festa publicadas por un diario, fontes de Acaip explicaron que está prohibido ter móbil en prisión e facer imaxes como estas “e as de Bárcenas”, entre outras. “Se é verdade e non é unha montaxe”, recalcaron.

Agora, están á espera de “resolución” da investigación por parte da Inspección de Madrid. Segundo declarou o subdelegado do Goberno en Lugo, Ramón Carballo, a suposta festa tivo lugar hai un ano, aínda que a dirección da prisión tivo coñecemento hai dous meses. Os feitos foron investigados entón no centro penitenciario Monterroso, que tomou medidas provisionais contra o funcionario involucrado.

ÚLTIMAS

Candia esixe ao goberno de Lugo que actúe ante os conflitos que se orixinan nos locais do lecer da rúa Tui

O barrio da Milagrosa de Lugo rexistrou esta fin de semana un novo incidente...

Detido en Lugo un home que quedou cunha menor de idade a través dunha aplicación de citas

A Policía Nacional detivo en Lugo a un home que foi sorprendido o pasado día 3...

Identificados catro almerienses por presuntamente estafar 4.500 a un empresario lucense por Internet

A Garda Civil de Lugo identificou a catro veciños de Almería por supostamente estafar 4.500 euros...

Incendio nunha empresa de colchóns de Palas de Rei mobiliza un amplo operativo de emerxencias

Os servizos de emerxencias traballan na extinción dun incendio iniciado no exterior do recinto...