InicioSociedadeAs defensas de Orozco e Besteiro, "satisfeitas" pola saída de De Lara...

As defensas de Orozco e Besteiro, “satisfeitas” pola saída de De Lara : “É a historia dunha morte anunciada”

O Supremo desestimou a petición de suspensión cautelar da sanción imposta á xuíza.

PUBLICADA O

- Advertisement -

EFE.- O Tribunal Supremo deu a coñecer esta mañá a súa decisión de manter a sanción imposta á xuíza Pilar De Lara por parte do Consello do Poder Xudicial. Ante esta noticia, os avogados de José Ramón Gómez Besteiro e José López Orozco mostraron, respectivamente, a súa “satisfacción” e pouca sorpresa: “É a historia dunha morte anunciada”.

O letrado Cándido Conde Pumpido ocupárase da defensa do ex presidente da Deputación e ex secretario do PSdeG, José Ramón Besteiro, en causas como a Operación Garañón, instruída por De Lara. O avogado destacou a súa “satisfacción” ante unha resolución do TS que vén a dicir o que eles “reclaman desde hai tempo”. “Non debe ser ela” a que instrúa unha causa na que figuran como investigadas “as persoas” que presentaron as reclamacións “polas que foi sancionada”, concluíu.

“A INSTRUCIÓN NON FOI A MÁIS ADECUADA”

Pola súa banda, o avogado Gregorio Arroyo, que defendera o ex alcalde de Lugo José López Orozco, considera que a resolución do TS que implica a perda de destino de De Lara é “a historia dunha morte anunciada”.

Arroyo lembrou que o expediente disciplinario que derivou na dura sanción á maxistrada tivo “un percorrido amplo” no Consello Xeral do Poder Xudicial, para acabar en “acordos por unanimidade”.  Ante esas circunstancias, ao Tribunal Supremo resúltalle “moi difícil” estimar unha suspensión cautelar da sanción que aparta á xuíza De Lara do Xulgado de Instrución Número 1, a pesar de que contou coa defensa dun “excelente avogado”, Agustín Azparren, que presentou “un excelente recurso”.

O letrado, que dixo non alegrarse “co dano alleo”, recoñeceu que nesta sanción “algo de responsabilidade tivo a xuíza” e fixo mención a todos os “despropósitos” que se produciron nos últimos anos nalgunhas das causas instruídas por De Lara. “A instrución non foi a máis adecuada”, resolveu Arroyo.

ÚLTIMAS

Nova oficina do SEPE en Lugo, pola que pasarán 27.000 veciños ao ano

A antiga Escola de Enfermaría de Lugo acolle a nova oficina do SEPE na...

Conmemoran a batalla do Porto de Bois e reivindican “Altri non”

Coincidindo coa xornada de conmemoración da batalla de Porto de Bois, xuntouse un grupo...

Lugo rexistra un terremoto de magnitude 3.6 que se fixo notar

Un terremoto de magnitude 3,7 na escala de Richter con epicentro en Sarria foi...

Un policía local de Lugo fóra de servizo practica un RCP e sálvalle a vida

Un policía local de Lugo que se atopaba fóra de servizo practicou unha manobra de...