InicioLugo e contornaLugoFiscalía pide máis de 500 anos de cárcere para García Adán e...

Fiscalía pide máis de 500 anos de cárcere para García Adán e o seu lugartenente, acusados na ‘Operación Carioca’

Trátase das pezas separadas sobre os casos dos clubs Queen's e La Colina, en Lugo e Outeiro de Rei.

PUBLICADA O

- Advertisement -

O ministerio fiscal solicita no escrito de acusación dunha das pezas separadas da ‘Operación Carioca’, concretamente a que fai referencia aos clubs Queen’s e La Colina, en Lugo e Outeiro de Rei, máis de 500 anos de cárcere para José Manuel García Adán e o seu lugartenente, José Manuel Pulleiro.

En concreto, nese escrito de acusación, a Fiscalía pide para García Adán case 269 anos de cárcere e preto de 249 de reclusión para Pulleiro, así como case seis anos de prisión para unha cidadá brasileira que supostamente se ocupaba de contactar coas seus compatriotas no seu país de orixe.

O ministerio fiscal considera que os dous principais acusados cometeron un delito contra os dereitos dos cidadáns estranxeiros, cincuenta e catro delitos de prostitución coactiva e vinte e sete delitos contra os dereitos dos traballadores.

Ademais, a García Adán impútalle dous delitos a maiores contra os dereitos dos traballadores, dous delitos de ameazas, tenencia ilícita de armas e un delito contra a saúde pública por drogas nun establecemento aberto ao público.

Segundo o ministerio público, polo menos desde o ano 2005, García Adán e Pulleiro, coa colaboración da outra acusada, “localizaban mulleres brasileiras que se atopaban no seu país de orixe, tendo pleno coñecemento da súa precaria situación económica, persoal e familiar, para que viñesen exercer a prostitución nos clubs Queen’s e La Colina”.

Era a acusada de nacionalidade brasileira, que se facía chamar “Leticia”, a que se poñía en contacto con elas e explicáballes “as condicións da viaxe a España”, así como que “tiñan que facerse pasar por turistas” ao “chegar ao control do aeroporto”.

As mulleres contraían “unha débeda de aproximadamente 3.000 euros que deberían resarcir mediante o exercicio da prostitución nos mencionados clubs”, para o que se lles descontaba diariamente “unha porcentaxe do gañado coas copas e os servizos sexuais”.

Mediante ese método, sostén o fiscal, os acusados introduciron en España a unha trintena de mulleres.

“Co obxectivo de conseguir que as mulleres que acudían aos seus clubs non abandonasen o exercicio da prostitución”, ambos crearon “un ambiente de violencia, xerando un clima de temor, caracterizado pola agresividade dos acusados”, precisa o ministerio público, de forma que era habitual que García Adán leva “de forma intimidatoria armas”.

As mulleres que traballaban neses clubs “carecían de calquera dereito inherente á súa actividade laboral”, dado que non tiñan “contrato de traballo” nin “seguro médico”.

A súa vida nos bordeis rexíase “por unha serie de normas non escritas”, chegando a impoñerlles multas os proxenetas, “que oscilaban entre trinta e sesenta euros”, cando non ían traballar ou se se chegaban tarde.

“As condicións nas que traballaban as mulleres eran de extraordinaria dureza, tanto polas normas de traballo impostas, como polas regras de conduta e convivencia fixadas polas acusados”, sostén o ministerio público.

Así mesmo, traballaban nesas locais “mulleres maiormente estranxeiras, que carecían de residencia legal en España e que se atopaban nunha difícil situación económica, persoal e familiar”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...