Un home, axente da policía local, enfróntase a unha pena de dous anos de cárcere e privación do dereito a conducir vehículos de motor e ciclomotores durante tres anos, acusado dun delito de homicidio por imprudencia tras atropelar mortalmente a unha muller en Lugo. O xuízo celebrarase o vindeiro martes, 8 de outubro, ás 10,00 horas.
Segundo denuncia a Fiscalía os feitos ocorreron o 8 de agosto de 2016. Sobre as 14,00 horas o acusado, JL.L.G., subiuse ao seu vehículo oficial, un Ford Transit, irregularmente estacionado na intersección entre a rúa Pontevedra e á rúa Freixo de Lugo, enriba da beirarrúa e ocupando parcialmente o paso de peóns.
Sen tomar precaucións, iniciou unha manobra antirreglamentaria de marcha atrás, momento no que cruzaba o paso de peóns C.L.L, que se viu obrigada a rodear o furgón policial fóra do paso polo obstáculo que este supuña xunto a un poste de luz e un sinal vertical.
A muller foi atropelada polo vehículo, provocándolle lesións moi graves no tórax que lle ocasionaron a morte.