Dezasete empresas optan ás obras de construción do centro de saúde na Residencia

A infraestrutura albergará un centro de saúde, un Punto de Atención Continuada, un área de saúde mental e unha base do 061.

Hospitalización do HULA | Sergas
Corredor de hospital | Sergas

Un total de 17 empresas optan á realización das obras de construción do Centro Integral de Saúde no barrio da Residencia, en Lugo, logo de que o pasado mes de maio a Xunta de Galicia habilitara o crédito para licitalas, por un importe de 12 millóns de euros. O anuncio fíxose público o pasado día 26 de xuño no Diario Oficial da Unión Europea.

O Centro Integral de Saúde disporá dunha superficie construída de máis de 8.000 metros cadrados en 6 plantas e albergará un centro de saúde, o servizo do Punto de Atención Continuada/urxencias, un área de saúde mental e unha base do 061. O prazo de execución destas actuacións é de 20 meses.

No andar baixo, o centro contará cunha área de saúde mental, hospital de día de saúde mental e base do 061. No primeiro andar instalarase a área pediátrica, unha área médica, a zona de radiodiagnóstico e a área de Punto de Atención Continuada. No seguinte andar emprázase a área da muller, área médica, o persoal do centro de saúde e o persoal do PAC. Na seguinte altura, prevese que estean ubicadas as zonas de fisioterapia e rehabilitación, área médica e outra de docencia.

DEIXAR UN COMENTARIO

Please enter your comment!
Please enter your name here