InicioLugo e contornaLugoO Concello dá os primeiros pasos para reurbanizar a contorna do Garañón

O Concello dá os primeiros pasos para reurbanizar a contorna do Garañón

Deuse luz verde á contratación dunha asistencia técnica para modificar o PXOM e avanzar no proceso de converter dita área nunha zona verde.

PUBLICADA O

- Advertisement -

A xunta de goberno do Concello de Lugo deu luz verde á contratación dunha asistencia técnica para a elaboración do proxecto que pretende modificar a contorna do Garañón. Estes poden ser os primeiros pasos para solventar este problema urbanístico, paralizado e investigado pola xustiza.

Diso informou o concelleiro de Desenvolvemento Sostible do goberno lugués, Álvaro Santos. Segundo explicou, dita asistencia estará orientada á modificación do PXOM (Plan Xeral de Ordenación Municipal) no ámbito da parcela onde se sitúa o edificio sen finalizar, xusto a carón das costas do parque Rosalía de Castro.

“A contratación desta asistencia técnica, que é a redacción do novo plan urbanístico sobre a zona do Garañón, non afecta as edificacións, senón á cualificación, á tipoloxía urbanística desa zona”, indicou.

Así, a actuación estará dividida en dúas fases. A primeira será o estudo de diferentes alternativas de desenvolvemento urbanístico e, a continuación, levarase a cabo a redacción da proposta elixida. Co inicio destes trámites, Santos remarcou que non só se trata de dar cumprimento á sentenza que paralizou a urbanización, senón tamén de “avanzar” para “convertela nunha zona verde”.

O investimento para esa asistencia técnica é de 22.617 euros e, unha vez adxudicado, o prazo de execución será de 25 meses.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...