InicioSociedadeNovos pasos na instalación do ascensor do Sagrado Corazón

Novos pasos na instalación do ascensor do Sagrado Corazón

O tenente de alcalde Rubén Arroxo anunciou a inmediata instalación da estrutura metálica que soportará a maquinaria

PUBLICADA O

- Advertisement -

O tenente de alcalde, Rubén Arroxo (BNG), visitou as obras do ascensor do Sagrado Corazón e anunciou a inmediata instalación da estrutura metálica que soportará a maquinaria. En base ao ritmo que levan as obras, prevese que o elevador comece a funcionar despois do verán.

Arroxo estivo acompañado do edil responsable de Infraestruturas, Alexandre Penas, e mostrou o seu compromiso de seguir moi de preto as actuacións. A súa implicación, din, pretende garantir que este proxecto “tan demandado” pola veciñanza saia adiante logo de terse anunciado “hai máis de dez anos”.

O ascensor terá formato panorámico, polo que posibilitará as vistas dende o seu interior. O sistema de embarque será pola porta sur; o de desembarque, pola norte na segunda e terceira parada (a nivel da praza da igrexa e a carón do colexio). A comunicación entre os dous desembarcos superiores do torreón realizarase a través de sendas paralelas.

Ademais, haberá un sendeiro peonil adaptado e aproveitarase para realizar unha limitación efectiva do aparcamento de vehículos nunha zona escolar. A maiores, un muro e unha escaleira salvarán o desnivel que se produciría á esquerda do centro educativo. Para a construción de todos estes elementos, dende o Concello lembran que se empregan materiais respectuosos coa estética do entorno.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...