InicioSociedadeLugo terá un glamping de cabanas no Veral

Lugo terá un glamping de cabanas no Veral

A primeira xunta de goberno aprobou un total de dez licenzas urbanísticas

PUBLICADA O

- Advertisement -

A xunta de goberno local de Lugo constituíuse este xoves 4 de xullo coa presenza de cinco edís do PSdG-PSOE e tres do BNG. No discurso deste encontro aprobáronse dez licenzas urbanísticas, entre elas a construción dun campamento turístico de madeira (glamping) na parroquia do Veral.

O voceiro do PSOE, Miguel Fernández, informou de que este glamping constará de cinco cabanas que se instalarán no camiño de Abelairas. Amais desta obra, aprobouse tamén unha licenza para construír e reformar vivenda unifamiliares; outra para reparar as vidreiras da Igrexa de Santo Antón de Padua, na rúa Tui; e outra para unha reforma nun edificio da Rúa Nova.

Á parte destas licenzas, quedou fixada a organización da corporación. As xuntas de goberno convocaranse de maneira habitual todos os mércores, xusto antes de que os voceiros do PSOE e BNG dean conta dos asuntos das súas respectivas áreas.

Esta xunta coa que se estrea o goberno municipal arrincou “con ilusión”, segundo valorou o tenente de alcalde Rubén Arroxo (BNG), e coa “vontade” de “buscar o mellor para Lugo”.

ÚLTIMAS

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...

Bombeiros dá por extinguido o incendio no polígono de O Ceao e a Policía Científica inicia a súa investigación

Bombeiros de Lugo deu por extinguido este mércores o incendio que calcinou na xornada...