Piden que se repare o Leiraparqking do HULA porque é un “perigo” polas súas fochancas

Inauguración do aparcadoiro municipal do HULA | Concello de Lugo
Inauguración do aparcadoiro municipal do HULA | Concello de Lugo

A organización de consumidores Facua Galicia dirixiuse ao Concello de Lugo para denunciar “o estado no que se atopa” o coñecido como ‘Leiraparking’, o aparcadoiro público que puxo en marcha hai case un ano a entidade local, dado que o seu estado converteuse “nun perigo” tanto “para as persoas como para os vehículos”.

Esta organización esixe que o Concello de Lugo “proceda a bachear e a arranxar a gran cantidade de fochas que existen no referido aparcadoiro do Hospital Universitario de Lugo (HULA)”, inaugurado a finais de outubro do pasado ano.

“Son un perigo tanto para as persoas como para os vehículos. Pídese que se lle dea un tratamento definitivo que evite que ante as choivas e demais inclemencias meteorolóxicas, moi usuais en Lugo, o aparcadoiro se converta nunha sorte de pista trampa”.

Un lugar no que “podes danar o vehículo ou aos mesmos ocupantes, co que iso leva en orde ás responsabilidades en que poida incorrer o consistorio”, conclúe.

DEIXAR UN COMENTARIO

Please enter your comment!
Please enter your name here