A causa da morte da nena de 7 anos en Cospeito segue sendo un misterio

A causa prosegue declarada secreta e non hai detidos ata o momento. Manéxase a hipótese dunha intoxicación.

Casa de Cospeito na que apareceu o cadáver da nena.

O Xulgado de Instrución número 1 de Vilalba prosegue coas dilixencias para esclarecer a morte dunha nena de sete anos achada morta o pasado venres pola mañá na vivenda na que residía no municipio lucense de Cospeito.

Así o sinalaron fontes xudiciais, despois de que o equipo forense practicase a autopsia este domingo, e matizaron que seguen as dilixencias no marco desta causa, que prosegue declarada secreta e non hai detidos ata o momento.

Axentes da Garda Civil acudiron o pasado venres a unha casa familiar na parroquia de Muimenta polo falecemento dunha nena. Á espera dos resultados do forense sobre a autopsia, a Benemérita apuntou a ausencia externa de signos de violenta.

Con todo, transcendeu que unha das hipóteses coas que se traballa é que morrese por unha intoxicación, trala aparición dunhas pastillas que tomaba a nai da nena para trastornos psicolóxicos. Tamén se investiga unha substancia escura atopada na botella da que habitualmente bebía auga a cativa e que foi atopada noutro recipiente.

A nai da nena, que non acudiu ao funeral da súa filla por recomendación médica, foi ingresada no Hospital Universitario Lucus Augusti de Lugo tras sufrir un ataque de ansiedade.

DEIXAR UN COMENTARIO

Please enter your comment!
Please enter your name here