Daniel Ochefu: “Teño moitas expectativas”

Tito Díaz, primeiro adestrador do Breogán, explicou que "ten boa formación", "moito poderío físico, moita envergadura e pick and roll"

Daniel Ochefu.

Daniel Ochefu foi presentado coma novo pivote do Cafés Candelas Breogán. Ochefu afirmou que era “unha boa oportunidade” e “un reto” xogar nun “baloncesto moi competitivo” coma é o Breogán, polo que ten “moitas expectativas”. “Estou acostumado a ser un xogador importante”, engadiu.

O ex xogador de Washington Wizards da NBA, co que xogou 19 partidos, contestou que xoga “duro” e é “capaz de defender e rebotear”.

Tito Díaz, primeiro adestrador do Breogán, explicou que “ten boa formación”, “moito poderío físico, moita envergadura e pick and roll”. “Quería un interior grande, forte, con pick and roll e capaz de defender””, explicou o técnico lucense, que matizou que “Sule non é un cinco e (Volodymyr) Gerun é un catro e medio”.

O primeiro adestrador breoganista subliñou que a vitoria en Badalona “reforzou o plan de xogo” do equipo.

Tito Díaz adiantou que o Fútbol Club Barcelona, rival este domingo no Pazo dos Deportes de Lugo ás 19:30 horas na vixésimo sexta xornada da Liga Endesa, “é o mellor equipo de España agora mesmo e un dos mellores de Europa”, un conxunto “moi físico” e “ocupa moitos espazos”. “Espero que ese plus o aporte a nosa afección, a nosa xente”, comentou.

Adiantou que Aleksandar Cvetkovic´e Salva Arco “están entre algodóns” e “Sergi Vidal si adestrou”, mentres Henk Norel “está fóra, está traballando no ximnasio na súa recuperación, non estaba recuperado”. Engadiu que Tadija Dragićević unirase aos adestramentos co grupo a vindeira semana.

 

DEIXAR UN COMENTARIO

Please enter your comment!
Please enter your name here