InicioSociedadeCase 2.000 cans participan en Lugo nunha nova edición de ExpoCanina

Case 2.000 cans participan en Lugo nunha nova edición de ExpoCanina

O Pazo de Feiras e Congresos acollerá probas de axilidade e exposición de beleza cunha repercusión internacional.

PUBLICADA O

- Advertisement -

Lugo converterase esta fin de semana na capital canina do noroeste peninsular. A Sociedade Canina Galega organiza mañá e o domingo no Pazo de Feiras e Exposicións de Lugo unha nova edición da Exposición Nacional e Internacional Canina e as probas selectivas para o mundial de axilidade.

O Deputado de Promoción Económica e Social, Pablo Rivera, acudiu á presentación da cita, da que destacou a súa importancia para o desenvolvemento dunha oferta turística diferenciada na provincia e o retorno económico que supón. Nesta edición, agárdanse en Lugo máis de 1.800 cans de ata 150 razas e uns 800 propietarios procedentes de toda España, Francia e Portugal.

No acto, Rivera estivo acompañado polo presidente da Sociedade Canina Galega, Agustín Fontán, o Concelleiro de Medio Rural e Deportes de Lugo, Miguel Fernández, e o xerente do Pazo de Feiras e Exposicións de Lugo, Rubén López.

“Xunto co Salón do Cabalo de Galicia, Equigal, esta cita é un dos eventos máis espectaculares da programación do Pazo de Feiras. Recomendado para todas as idades, este concurso canino ofrece a oportunidade de ver algo diferente. É un auténtico privilexio telo en Lugo”, dixo Pablo Rivera.

AS PROBAS

As probas comezarán o sábado, ás 9.30 horas. Neste primeiro día de competición terá lugar a exposición nacional, que porá en xogo un punto para o Campionato de España, e ao tempo desenvolveranse as probas de axilidade, que son selectivas para participar no Campionato de Europa.

O domingo, a exposición de beleza adquirirá unha dimensión internacional, xa que puntuará para o Campionato Internacional. A entrada será gratuíta para os nenos e nenas, e os adultos pagarán un prezo reducido de 3 euros grazas ao apoio da Deputación e o Concello. A cita tamén poderá seguirse en directo por Internet.

ÚLTIMAS

Mochilas sensorias neurodiverxentes nos Museos de Lugo

Os museos provinciais --Museo Provincial de Lugo, Museo do Mar de San Cibrao, Museo...

Obradoiros de coiro, cerámica e teares para celebrar os ‘Días Europeos da Artesanía’

A Vicepresidencia da Deputación de Lugo, a través da área de Artesanía, súmase á...

Coñecemos á ‘Galiartesá’, Pepa Lombao, oleira de Bonxe

O Galicia Confidencial presenta a serie 'Galiartesáns e galiartesas' coa que procura visibilizar diferentes oficios artesáns...

O Concello de Lugo defende que os recursos empregados no Ceao foron “suficientes”

A concelleira de Cohesión Social de Lugo, Ana González Abelleira, saíu ao paso das...