Lugo, preparada para acoller as reliquias de Santa Bernadette de Lourdes

Reliquias de Santa Bernadette de Lourdes.

As reliquias de Santa Bernadette de Lourdes visitarán a Diocese de Lugo con motivo da celebración do 175 aniversario do seu nacemento e o 140 da súa morte, e serán recibidas este mércores – 11 de setembro– polo bispo, Alfonso Carrasco Rouco.

Segundo explicou a Diócese de Lugo, con motivo desta efeméride, as “reliquias da santa de Lourdes están a realizar unha peregrinación por corenta e oito dioceses españolas” e esta semana chegarán á de Lugo.

O bispo será o encargado de recibilas este mércores, a partir das 12 horas, na igrexa de San Froilán.

Nesta parroquia permanecerán ata o venres, día 13 de setembro, data na que partirán cara a Santiago de Compostela.

Con motivo da presenza das reliquias da Santa, a Hospitalidade da nosa Señora de Lourdes preparou un programa de actos que inclúe charlas, proxección de películas, procesións e outros actos relixiosos.

DEIXAR UN COMENTARIO

Please enter your comment!
Please enter your name here