Tito Díaz: “Se o Breogán conta comigo, aquí estou”

Tito Díaz, primeiro adestrador de Cafés Candelas Breogán.

Tito Díaz, primeiro adestrador de Cafés Candelas Breogán, foi categórico sobre o seu futuro para a vindeira tempada tralo descenso a LEB Ouro: “Son breoganista. A directiva xa o sabe. Se aquí hai futuro e o Breogán conta comigo, aquí estou”. Tamén engadiu que “quen chegue (debido aos posibles trocos no consello de administración coa ampliación de capital) ten que ter a liberdade para elixir”.

O adestrador lucense lembrou que “os equipos pequenos teñen que traballar moi ben en post-tempada” e “configurar unha boa plantilla”.

Os lucenses pechan a tempada contra San Pablo Burgos este domingo 27 ás 12:30 horas no Pazo dos Deportes de Lugo. “Imos repartir os minutos en pista, todos se merecen xogar”. “Estos xogadores, podo aseguralo, deixárono todo”, comentou. Tamén adiantou a baixa de Salva Arco, que será operado o luns dunha lesión de xeonllo.

Sobre o rival, San Pablo Burgos, comentou que “medrou económicamente” e “xa é un equipo da zona media”.

DEIXAR UN COMENTARIO

Please enter your comment!
Please enter your name here