A Conselleria de Infraestruturas e Mobilidade licitou na plataforma de Contratos Públicos de Galicia as obras de renovación da travesía de San Eufrasio, no municipio de Lugo, a vía autonómica que soporta nesta provincia unha maior densidade de tráfico, dado que a diario pasan por esta estrada uns 10.000 vehículos.
Trátase dunha vía urbana que se corresponde coa saída da LU-530, a vía autonómica que comunica a cidade de Lugo coa capital do municipio da Fonsagrada.
É un tramo duns tres quilómetros e medio de lonxitude, que parte da estación de ferrocarril de Lugo e chega á ligazón coa Autovía do Noroeste (A-6).
As obras de acondicionamento deste vial teñen un orzamento de 334.000 euros e o prazo de execución é de 5 meses.
