En Común Lugo pide “parar os pés” á extrema dereita

En Común Unida-Podemos presentou a súa candidatura luguesa para as próximas eleccións xerais do 28 de abri, coa que aspira a promover medidas reais que "melloren a vida" das persoas.

Vanessa Somoza / En Común.

En Común Unidas Podemos presentou este martes en Lugo a súa candidatura para as próximas eleccións xerais do 28 de abril coa que aspira a promover medidas reais que “melloren a vida” das persoas.

A ‘número un’ da lista pola provincia, Vanessa Somoza, destacou a importancia destes comicios para “deter o auxe dunha extrema dereita” á que hai que “parar os pés”. “Tamén temos que debater moito co PSOE que non quere deter as cloacas do Estado, quitar as medallas a ‘Billy el Niño’ ou facer algo fronte á lei mordaza”, manifestou.

Ademais, advertiu de que Lugo é o terceiro municipio galego con máis “pobreza ancorada”. “Todo isto temos que cambialo, derrogando as reformas laborais e por medio de leis que melloren a vida das persoas, porque se pode facer. Só falta vontade”, apuntou.

Pola súa banda, a cabeza de lista por Pontevedra, Yolanda Díaz, asegurou que o PSOE non se enfrontará aos que mandan. “Por iso, nestas eleccións, xogámonos todo”, sinalou.

Ademais, o candidato pola Coruña Antón Gómez Reino considerou “imprescindible” estar no centro das políticas do Estado para facer políticas para a maioría social galega. “A nosa intención é gobernar e crear un futuro no que teñan cabida todas as maiorías sociais”, indicou.